ნავთობპროდუქტების იმპორტიორთა კავშირის განცხადებით:

„მიმდინარე წლის აპრილის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  88,5 ათასი ტონა, რაც 10,7 ათასი ტონით აღემატება  მარტის  თვის მაჩვენებელს.

მათ შორის, აპრილის თვეში ბენზინის საწვავის იმპორტმა შეადგინა  33,4  ათასი ტონა, ხოლო დიზელის საწვავის იმპორტმა - 55,1  ათასი ტონა.

საწვავის კატეგორიების მიხედვით 2015 წლის აპრილის თვეში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 23,0 ათასი ტონა ანუ 68,9%;  A-95 პრემიუმი მარკის  ბენზინი - 9,7 ათასი ტონა ანუ 29%,  A-98 სუპერი მარკის ბენზინი - 0,7 ათასი ტონა ანუ 2,1%.

ხოლო დიზელის საწვავის იმპორტმა კატეგორიების მიხედვით მ/წლის აპრილის თვეში შეადგინა: 50PPM (ევრო დიზელი) - 22,1 ათასი ტონა ანუ 40,1%, L-62 დიზელის საწვავი - 33,0 ათასი ტონა ანუ  59,9%.

ქვეყნების მიხედვით 2015 წლის აპრილის თვეში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 28,5  ათასი ტონა, რაც მთელი იმპორტის 32,2%-ს შეადგენს. შემდეგ  მოდიან: აზერბაიჯანი  - 26,7 ათასი ტონა   - 30,2 %;  ბულგარეთი - 12,3 ათასი ტონა  - 13,9%;  საბერძნეთი - 8,8 ათასი ტონა- 9,9 %; ისრაელი - 5,9 ათასი ტონა - 6,7%,  რუსეთი - 4,1 ათასი ტონა - 4,6%,   თურქმენეთი - 2,2 ათასი ტონა  - 2,5%.

აქვე უნდა შევეხოთ სხვა ნავთობპროდუქტების იმპორტის მონაცემებსაც:

მიმდინარე წლის აპრილის თვეში საქართველოში იმპორტირებულ იქნა 5,6  ათასი ტონა სანავთობო ბიტუმი, რომლის უმეტესი წილი - 91,1% განხორციელდა ირანის ისლამური რესპუბლიკიდან.

მ/წლის აპრილის თვეში საქართველოში საცხებ-საპოხი მასალების იმპორტმა შეადგინა 1,2  ათასი ტონა, მარტის თვეში - 2,0 ათასი ტონა. თებერვალში - 1,0 ათასი ტონა.

2015 წლის აპრილის თვეში საქართველოში საავიაციო ნავთის იმპორტმა შეადგინა 4,3 ათასი ტონა, მარტის თვეში - 3,4  ათასი ტონა, თებერვლის თვეში - 4,5 ათასი ტონა.