ნავთობპროდუქტების იმპორტიორთა კავშირის განცხადებით:

„2013 წლეს  საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  855,9 ათასი ტონა, რაც 13,6 ათასი ტონით ანუ 1,6% - ით მეტია  გასული წლის ანალოგიური პერიოდის მაჩვენებელთან (842,3 ათასი ტონა) შედარებით.. მათ შორის, ბენზინის საწვავის იმპორტმა შეადგინა  376,5  ათასი ტონა, ხოლო დიზელის საწვავის იმპორტმა -  479,4  ათასი ტონა. გასულ წელთან შედარებით ბენზინის იმპორტი 1,6% - ით  შემცირდა, ხოლო დიზელის იმპორტი  4% - ით გაიზარდა.

ქვეყნების მიხედვით 2013 წელს ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 291,4 ათასი ტონა, რაც მთელი იმპორტის 34,0%-ს შეადგენს. შემდეგ  მოდიან: აზერბაიჯანი - 232,1 ათასი ტონა - 27,1%;  ბულგარეთი - 132,1 ათასი ტონა - 15,4%;  რუსეთი - 117,2 ათასი ტონა (მხოლოდ დიზელი) , საბერძნეთი - 33,7 ათასი ტონა,  თურქმენეთი - 27,3 ათასი ტონა, იტალია - 14,3 ათასი ტონა. 

2013 წლის განმავლობაში ქვეყნების მიხედვით ბენზინის იმპორტის ყველაზე დიდი ოდენობა განხორციელდა რუმინეთიდან, შემდეგ მოდიან  ბულგარეთი, აზერბაიჯანი, საბერძნეთი, იტალია,..

2013 წლის განმავლობაში ქვეყნების მიხედვით  დიზელის  იმპორტის ყველაზე დიდი ოდენობა განხორციელდა აზერბაიჯანიდან, შემდეგ მოდიან რუსეთი, რუმინეთი, თურქმენეთი, საბერძნეთი,...

საწვავის კატეგორიების მიხედვით 2013 წელს საქართველოში საწვავის იმპორტმა შეადგინა: A-91 რეგულარი მარკის ბენზინი - 69,0%;  A-95 პრემიუმი მარკის  ბენზინი - 28%, A-98 სუპერი მარკის ბენზინი - 3%.

მიუხედავად იმისა, რომ ქვეყნის ეკონომიკური ზრდის მაჩვენებელი არ იყო მაღალი,   ნავთობპროდუქტების იმპორტი 2013 წელს გასულ წელთან შედარებით გაზრდილია და საკმაოდ მაღალ ნიშნულზეა ეს ქვეყნის ეკონომიკაში არსებული ვითარებისთვის საკმაოდ პოზიტიური მაჩვენებელია. იმპორტის ზრდიდან გამომდინარე სახელმწიფო  ბიუჯეტი ნავთობპროდუქტების ბიზნეს სექტორიდან მიიღებს უფრო მეტ შემოსავალს ვიდრე 2012 წელს.

აქვე უნდა აღინიშნოს, რომ  ნავთობპროდუქტების ბიზნეს სექტორი გახლავთ სახელმწიფო ბიუჯეტში ყველაზე დიდი გადამხდელი.

                                                                                                                                                                                                                                                                                              17.01.2014