ნავთობპროდუქტების იმპორტიორთა კავშირის განცხადებით:

 „მიმდინარე წლის თებერვლის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  68,2 ათასი ტონა, რაც 29,1 ათასი ტონით აღემატება  იანვრის თვის მაჩვენებელს. მათ შორის, ბენზინის საწვავის იმპორტმა შეადგინა  30,2  ათასი ტონა, ხოლო დიზელის საწვავის იმპორტმა -  38,0  ათასი ტონა.

2014 წელს საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  107,4 ათასი ტონა. მათ შორის, ბენზინის საწვავის იმპორტმა შეადგინა  51,4  ათასი ტონა, ხოლო დიზელის საწვავის იმპორტმა -  56,0  ათასი ტონა.

ქვეყნების მიხედვით 2014 წელს ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 42,6  ათასი ტონა (მათ შორის, ბენზინი - 29,0 ათასი ტონა და დიზელი - 13,6 ათასი ტონა), რაც მთელი იმპორტის 39,7 %-ს შეადგენს. შემდეგ  მოდიან: აზერბაიჯანი - 23,7 ათასი ტონა (მათ შორის, ბენზინი - 1,0 ათასი ტონა და დიზელი - 22,7 ათასი ტონა) - 22 %;  ბულგარეთი - 19,5 ათასი ტონა (მათ შორის, ბენზინი - 16,6 ათასი ტონა და დიზელი - 2,9 ათასი ტონა) - 18,2%;  საბერძნეთი - 8,1 ათასი ტონა (მათ შორის, ბენზინი - 4,7 ათასი ტონა და დიზელი - 3,4 ათასი ტონა) - 7,5%; რუსეთი - 8,07 ათასი ტონა (მხოლოდ დიზელი) - 7,5%, თურქმენეთი - 5,4 ათასი ტონა (მხოლოდ დიზელის საწვავი) - 5%.

ნავთობპროდუქტების იმპორტი, სეზონიდან გამომდინარე, შეიძლება ითქვას,  რომ თავის საშუალო მაჩვენებელს ინარჩუნებს. ზოგადად იანვრის თვე ყოველთვის გამოირჩევა იმპორტის დაბალი მაჩვენებლით, ვინაიდან ეს არის, დღესასწაულებისა და დასვენებების პერიოდი, როდესაც ნაკლები აქტიურობაა. გარდა ამისა, დეკემბრის თვეში ხდება შედარებით დიდი მოცულობის იმპორტის განხორციელება მარაგების შექმნის მიზნით. გაზაფხულის დადგომიდან კი  პერმანენტულად ხდება საწვავის იმპორტისა  და შესაბამისად, მისი მოხმარების ზრდა.