ნავთობპროდუქტების იმპორტიორთა კავშირის განცხადებით:

 „მიმდინარე წლის ივლისის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  131,0 ათასი ტონა, რაც 26,2  ათასი ტონით აღემატება ივნისის თვის მაჩვენებელს. მათ შორის, ბენზინის საწვავის იმპორტმა შეადგინა  54,6  ათასი ტონა, ხოლო დიზელის საწვავის იმპორტმა - 76,5  ათასი ტონა.

საწვავის კატეგორიების მიხედვით 2016 წლის ივლისის თვეში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 35,2  ათასი ტონა ანუ 64,5%;  A-95 პრემიუმი მარკის  ბენზინი - 18,1 ათასი ტონა ანუ 33,1%, A-98 სუპერი მარკის  ბენზინი - 1,3 ათასი ტონა ანუ 2,4%.

ხოლო დიზელის საწვავის იმპორტმა კატეგორიების მიხედვით მ/წლის ივლისის თვეში შეადგინა: 50PPM (ევრო დიზელი) – 73,6 ათასი ტონა ანუ 96,2%, L-62 დიზელის საწვავი - 2,9 ათასი ტონა ანუ  3,8%.

ქვეყნების მიხედვით 2016 წლის ივლისის თვეში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 39,2  ათასი ტონა, რაც მთელი იმპორტის 30,3%-ს შეადგენს. შემდეგ  მოდიან: აზერბაიჯანი  - 29,2 ათასი ტონა (22,3%),  თურქმენეთი - 25,8 ათასი ტონა (19,7%), ბულგარეთი - 15,0 ათასი ტონა (11,5%),  რუსეთი  - 12,3 ათასი ტონა (9,4%), საბერძნეთი -  7,1 ათასი ტონა (5,4%), უკრაინა - 1,9 ათასი ტონა (1,4%).

აქვე უნდა შევეხოთ სხვა ნავთობპროდუქტების იმპორტის მონაცემებსაც:

მიმდინარე წლის ივლისის თვეში საქართველოში იმპორტირებულ იქნა 13,9  ათასი ტონა სანავთობო ბიტუმი, რაც 2,0 ათასი ტონით აღემატება ივნისის თვის მაჩვენებელს.

მ/წლის ივლისის თვეში საქართველოში საცხებ-საპოხი მასალების იმპორტმა შეადგინა 1,7  ათასი ტონა, რაც 0,1 ათასი ტონით აღემატება წინა თვის მაჩვენებელს.  

2016 წლის ივლისის თვეში საქართველოში საავიაციო ნავთის იმპორტმა შეადგინა 4,2 ათასი ტონა, რაც 3,5 ათასი ტონით ნაკლებია წინა თვის მაჩვენებელთან შედარებით.