ნავთობპროდუქტების იმპორტიორთა კავშირის განცხადებით:

2017 წელს  საქართველოში საავიაციო ნავთის იმპორტმა შეადგინა 96,0 ათასი ტონა, რაც 25,3 ათასი ტონით ანუ 26,4 %-ით აღემატება გასული წლის ანალოგიურ მაჩვენებელს (70,7 ათასი ტონა).

ქვეყნების მიხედვით, 2017 წელს საავიაციო ნავთის იმპორტის ყველაზე დიდი მოცულობა განხორციელდა თურქმენეთიდან - 40,3 ათასი ტონა, რაც მთელი იმპორტის 42,0%-ს შეადგენს. შემდეგ მოდიან: აზერბაიჯანი - 28,6 ათასი ტონა (29,8%), საბერძნეთი - 22,0 ათასი ტონა (22,9%), ეგვიპტე - 3,8 ათასი ტონა (4,0%), თურქეთი - 0,8 ათასი ტონა (0,8%), იტალია 0,5 ათასი ტონა (0,5%).

2017 წელს საავიაციო ნავთის იმპორტი და შესაბამისად, მოხმარება მნიშვნელოვნად გაიზარდა,  რაც დაკავშირებულია საქართველოში საერთაშორისო რეისების განმახორციელებელი საჰაერო სატრანსპორტო საშუალებების რეისების ზრდასთან, რომელიც  თავისთავად უკავშირდება  საქართველოში ვიზიტორებისა და ტურისტების  მატებას.

2017 წელს  საქართველოში სანავთობო ბიტუმის იმპორტმა შეადგინა 104,1 ათასი ტონა, რაც 1,9 ათასი ტონით ანუ 1,8%-ით აღემატება გასული წლის ანალოგიურ მაჩვენებელს (102,2 ათასი ტონა). აქედან იმპორტის 93% მოდის  ირანის ისლამურ რესპუბლიკაზე.

საგზაო ბიტუმი ძირითადად გამოიყენება ასფალტის წარმოებისას. 2017 წელს ქვეყანაში გზების მშენებლობა გასული წლების მსგავსად საკმაოდ მასშტაბური იყო, რითითაც აიხსნება საგზაო ბიტუმის იმპორტის ზრდა.