ბრაზილიური ნავთობისა და გაზის კომპანია Petrobras-ის სუფთა მოგებამ 2021 წელს შეადგინა რეკორდული 106,6 მილიარდი რეალი (21 მილიარდ დოლარზე მეტი). ამის შესახებ ნათქვამია კომპანიის მიერ გამოქვეყნებულ ანგარიშში.

ეს მაჩვენებელი 15-ჯერ გაიზარდა 2020 წელთან შედარებით, როდესაც კომპანიამ 7,1 მილიარდი რეალი გამოიმუშავა.

„ასეთი მნიშვნელოვანი ზრდა უპირველეს ყოვლისა განპირობებულია Brent მარკის ნავთობის ფასის 77%-ით გაზრდით რეალებში აღნიშნულ პერიოდში, რამაც ხელი შეუწყო შიდა ბაზარზე გაყიდვების ზრდას“, - ნათქვამია დოკუმენტში.

გარდა ამისა, გოგირდის შემცველობის გარეშე ევრო-5 სტანდარტის დიზელის საწვავის  გაყიდვები გაიზარდა მესამედზე მეტით და  მისი წარმოება 10%-ით.

როგორც Petrobras-ის პრესსამსახურში აღნიშნეს, ამავდროულად კომპანიამ შეასრულა 2021-2025 წლების სტრატეგიული გეგმით გათვალისწინებული მიზნები მოპოვებასთან დაკავშირებით. კომპანიის მარაგები გაიზარდა თითქმის 2 მილიარდი ბარელი სანავთობო ექვივალენტით.