ნავთობპროდუქტების იმპორტიორთა კავშირის განცხადებით:

2023 წლის იანვრის თვეში საქართველოში ბენზინისა და დიზელის საწვავის იმპორტმა შეადგინა 89,3 ათასი ტონა, რაც 0,8 ათასი ტონით ანუ 0,9%-ით ნაკლებია გასული წლის ანალოგიური პერიოდის მაჩვენებელთან (90,1 ათასი ტონა) შედარებით.

მათ შორის,  2023 წლის იანვარში ბენზინის საწვავის იმპორტმა შეადგინა 38,9 ათასი ტონა, ხოლო დიზელის საწვავის იმპორტმა - 50,4 ათასი ტონა.

კატეგორიების მიხედვით, 2023 წლის იანვრის თვეში  ბენზინის საწვავის იმპორტმა შეადგინა შემდეგი: A-91 რეგულარი ტიპის ბენზინი - 20,2 ათასი ტონა (51,9%);  A-95 პრემიუმი ტიპის ბენზინი - 17,8 ათასი ტონა (45,8%); A-98 სუპერი ტიპის ბენზინი - 0,9 ათასი ტონა (2,3%);

2023 წლის იანვარში ბენზინისა და დიზელის საწვავის იმპორტის ყველაზე დიდი მოცულობა განხორციელდა რუსეთიდან - 75 ათასი ტონა, რაც მთელი იმპორტის 84%-ს შეადგენს. შემდეგ მოდიან: რუმინეთი - 13,5 ათასი ტონა - 15,1%; ბელარუსი - 0,7 ათასი ტონა - 0,8%; უკრაინა - 0,07 ათასი ტონა - 0,1%; ბულგარეთი - 0,06 ათასი ტონა - 0,1%;