ნავთობპროდუქტების იმპორტიორთა კავშირის განცხადებით:

 „მიმდინარე წლის მარტის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  69,7 ათასი ტონა, რაც 1,5 ათასი ტონით აღემატება  თებერვლის თვის მაჩვენებელს და 30,6 ათასი ტონით იანვრის თვის მაჩვენებელს. მათ შორის, მარტის თვეში ბენზინის საწვავის იმპორტმა შეადგინა  26,3  ათასი ტონა, ხოლო დიზელის საწვავის იმპორტმა - 43,4  ათასი ტონა.

სულ 2014 წელს საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  177,1 ათასი ტონა. მათ შორის, ბენზინის საწვავის იმპორტმა შეადგინა  77,6  ათასი ტონა, ხოლო დიზელის საწვავის იმპორტმა -  99,5  ათასი ტონა.

ქვეყნების მიხედვით 2014 წელს ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 66,3  ათასი ტონა (მათ შორის, ბენზინი - 44,4 ათასი ტონა და დიზელი - 21,9 ათასი ტონა), რაც მთელი იმპორტის 37,4 %-ს შეადგენს. შემდეგ  მოდიან: აზერბაიჯანი - 43,1 ათასი ტონა (მათ შორის, ბენზინი - 1,0 ათასი ტონა და დიზელი - 42,1 ათასი ტონა) - 24,3 %;  ბულგარეთი - 31,5 ათასი ტონა (მათ შორის, ბენზინი - 26,0 ათასი ტონა და დიზელი - 5,5 ათასი ტონა) - 17,8%; რუსეთი - 19,4 ათასი ტონა (მხოლოდ დიზელი) - 11%,  საბერძნეთი - 10,9 ათასი ტონა (მათ შორის, ბენზინი - 6,1 ათასი ტონა და დიზელი - 4,8 ათასი ტონა) - 6,2%; თურქმენეთი - 5,8 ათასი ტონა (მხოლოდ დიზელის საწვავი) - 3,3%.

საწვავის კატეგორიების მიხედვით 2014 წელს საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 68,7%;  A-95 პრემიუმი მარკის  ბენზინი - 29,5%, A-98 სუპერი მარკის ბენზინი - 1,8%. ხოლო დიზელის საწვავის იმპორტმა შეადგინა: 50PPM (ევრო დიზელი) - 33,6%, L-62 დიზელის საწვავი - 66,4%. 

აქვე უნდა შევეხოთ სხვა ნავთობპროდუქტების იმპორტის მონაცემებსაც:

საავიაციო ნავთის (JET) იმპორტმა 2014 წელს შეადგინა 13,4 ათასი ტონა, რომლიდანაც ყველაზე დიდი წილი -  58,9% განხორციელდა აზერბაიჯანიდან, შემდეგ მოდიან: თურქმენეთი - 36,6%, საბერძნეთი - 4,5%.

მიმდინარე წელს საქართველოში იმპორტირებულ იქნა 12,5  ათასი ტონა სანავთობო ბიტუმი რომელიც მთლიანად განხორციელდა ირანის ისლამური რესპუბლიკიდან.

მ/წლის 3 თვის განმავლობაში საქართველოში საცხებ-საპოხი მასალების იმპორტმა შეადგინა 3,7 ათასი ტონა .