ნავთობპროდუქტების იმპორტიორთა კავშირის განცხადებით:

"მიმდინარე თვეში  ნავთობის ფასი მსოფლიო სასაქონლო ბირჟებზე იზრდება.  კერძოდ, აპრილის თვის დასაწყისიდან დღემდე ლონდონში Brent ნავთობის ფასი გაიზარდა  105,62 დოლარიდან  110.33  დოლარამდე/ბარელზე, ხოლო ნიუ-იორკში Light Sweet ნავთობის ფასი 99,74 დოლარიდან  101.94 დოლარამდე/ბარელზე.

ნავთობის ფასის ზრდა ხდება რუსეთ-უკრაინის კრიზისის გაღრმავების ფონზე. აქვე უნდა აღინიშნოს, რომ აშშ-ში ნავთობის სტრატეგიული მარაგები საკმაოდ მაღალ ნიშნულზე დგას (1982 წლის შემდეგ ყველაზე მაქსიმალური მაჩვენებელი).

ნავთობის ფასის ზრდის პარალელურად, გაზრდილია ასევე საერთაშორისო ფასები ნავთობპროდუქტებზე Platt's-ის (რომელზეცაა დამოკიდებული საქართველოში საწვავის ფასი) მიხედვით.  კერძოდ, აპრილის თვის დასაწყისიდან 24 აპრილის  მდგომარეობით ბენზინის ფასი გაზრდილია 42 დოლარით - 1029,75 დოლარამდე/ტონაზე; L-62 დიზელი გაზრდილია 39,75 დოლარით 912,50  დოლარამდე/ტონაზე; 10 PPM დიზელი მომატებულია 36,75 დოლარით 937,25 დოლარამდე/ტონაზე;

რაც შეეხება საქართველოს საცალო ქსელს, აპრილის თვეში მოხდა რეგულარი და L-62 დიზელის საწვავის ფასის ზრდა საშუალოდ  3 თეთრით/ლიტრზე, ხოლო დანარჩენი პროდუქტების ფასი იგივეა.  

კერძოდ, დღეისათვის ბრენდირებულ საცალო ქსელში საწვავის საშუალო ფასი შეადგენს: სუპერის ტიპის ბენზინი -  2.22-2.30 ლარი/ლიტრზე, პრემიუმის ტიპის ბენზინი - 2.15-2.25  ლარი/ლიტრზე, ევრო რეგულარის ტიპის ბენზინი - 2.00-2.10 ლარი/ლიტრზე, რეგულარის ტიპის ბენზინი - 2,05 ლარი/ლიტრზე,  ევრო დიზელი - 2.17-2.25  ლარი/ლიტრზე, L-62 დიზელი - 2.05-2.09 ლარი/ლიტრზე. ხოლო არაბრენდირებულ ავტოგასამართ სადგურებზე 1 ლიტრი საწვავის ფასი 5-10 თეთრით უფრო ნაკლებია."