ნავთობპროდუქტების იმპორტიორთა კავშირის განცხადებით:

„მიმდინარე წლის ივლისის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  103,3 ათასი ტონა, რაც 31,2 ათასი ტონით აღემატება  ივნისის თვის მაჩვენებელს. მათ შორის, ივლისის თვეში ბენზინის საწვავის იმპორტმა შეადგინა  38,2  ათასი ტონა, ხოლო დიზელის საწვავის იმპორტმა - 65,1  ათასი ტონა.

სულ 2014 წლის პირველი შვიდი თვის განმავლობაში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  488,1 ათასი ტონა. მათ შორის, ბენზინის საწვავის იმპორტმა შეადგინა  210,1  ათასი ტონა, ხოლო დიზელის საწვავის იმპორტმა -  278,0  ათასი ტონა.

საწვავის კატეგორიების მიხედვით 2014 წლის ივლისის თვეში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 21,8 ათასი ტონა ანუ 57,1%;  A-95 პრემიუმი მარკის  ბენზინი - 15.9 ათასი ტონა ანუ 41,6%,  A-98 სუპერი მარკის ბენზინი - 0,5 ათასი ტონა ანუ 1,3%. ხოლო დიზელის საწვავის იმპორტმა შეადგინა: 50PPM (ევრო დიზელი) - 19,1 ათასი ტონა ანუ 29,3%, L-62 დიზელის საწვავი - 46,0 ათასი ტონა ანუ 70,7%.

ქვეყნების მიხედვით 2014 წლის პირველი შვიდი თვის განმავლობაში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 171,4  ათასი ტონა, რაც მთელი იმპორტის 35,1%-ს შეადგენს. შემდეგ  მოდიან: აზერბაიჯანი - 122,9 ათასი ტონა   - 25,2 %;  ბულგარეთი - 75,2 ათასი ტონა  - 15,4%;  საბერძნეთი - 59,8 ათასი ტონა- 12,3 %; რუსეთი - 37,8 ათასი - 7,7%,   თურქმენეთი - 19,1 ათასი ტონა  - 3,9%.

აქვე უნდა შევეხოთ სხვა ნავთობპროდუქტების იმპორტის მონაცემებსაც:

საავიაციო ნავთის (JET) იმპორტმა 2014 წლის იანვარ-ივლისის თვეებში  შეადგინა 36,2 ათასი ტონა, რომლიდანაც ყველაზე დიდი წილი -  69,9% განხორციელდა აზერბაიჯანიდან, შემდეგ მოდიან: თურქმენეთი - 26,2%, საბერძნეთი - 3,9%. მათ შორის ივლისის თვეში საავიაციო ნავთის იმპორტმა შეადგინა 7,5 ათასი ტონა, რაც 2,7 ათასი ტონით აღემატება ივნისის თვის მაჩვენებელს.

მიმდინარე წელს საქართველოში იმპორტირებულ იქნა 48,9  ათასი ტონა სანავთობო ბიტუმი, რომლის უმეტესი წილი - 99,9 % განხორციელდა განხორციელდა ირანის ისლამური რესპუბლიკიდან. ივლისის თვეში სანავთობო ბიტუმის იმპორტმა შეადგინა 15,4 ათასი ტონა, რაც 8,7 ათასი ტონით აღემატება ივნისის თვის მაჩვენებელს.

მ/წლის 7 თვის განმავლობაში საქართველოში საცხებ-საპოხი მასალების იმპორტმა შეადგინა 9,7 ათასი ტონა, ხოლო ივლისის თვეში - 1,7 ათასი ტონა.