გვინდა მიმოვიხილოთ საწვავის ფასები სხვადასხვა ქვეყნებში. მათ შორის, ისეთ ყოფილ პოსტსაბჭოთა ქვეყნებში (უკრაინა, სომხეთი, მოლდავეთი, ლიტვა, ლატვია), რომლებიც არ არიან ნავთობის მწარმოებლები და დამოკიდებულები არიან საწვავის იმპორტზე.

შედარებისათვის უნდა ვთქვათ, რომ აღნიშნულ ქვეყნებთან შედარებით პრემიუმი, სუპერი ტიპის ბენზინისა და დიზელის საწვავის ფასები ჩვენთან უფრო იაფია, ან რიგ შემთხვევებში იდენტური.

ასევე უნდა აღინიშნოს აზერბაიჯანი, ნავთობის ერთ-ერთი დიდი მწარმოებელი ქვეყანა, რომელიც არ აწარმოებს სუპერი ტიპის საწვავს და  ახორციელებს მის იმპორტს ევროპიდან, შესაბამისად, აღნიშნული პროდუქციის ფასი საკმაოდ მაღალია. კერძოდ, აზერბაიჯანში სუპერი ტიპის ბენზინის ფასი შეადგენს - 1,04 ევროს (დაახლოებით 2,27 ლარი), პრემიუმი ტიპის ბენზინი - 0,98 ევროს (დაახლოებით 2,14 ლარი).

ევროპის ქვეყნებში ყველაზე ძვირი საწვავი გახლავთ ნორვეგიაში: სუპერი ტიპის ბენზინის ფასი - 1,90 ევრო ანუ დაახლოებით 4,14  ლარი), პრემიუმი ტიპის ბენზინი - 1,81 ევრო (დაახლოებით 3,95  ლარი), რომელიც ერთ-ერთი უდიდესი ნავთობის მწარმოებელი ქვეყანაა ევროპაში.

ყველაზე იაფი საწვავი არის რუსეთში: სუპერი ტიპის ბენზინის ფასი - 0,70 ევრო (დაახლოებით 1,53  ლარი), პრემიუმი ტიპის ბენზინი - 0,66 ევრო (დაახლოებით 1,44  ლარი).

რაც შეეხება საქართველოს საცალო ქსელს, ჩვენთან საწვავის საშუალო ფასები შეადგენს: სუპერი ტიპის ბენზინი - 2,20-2,27 ლარი; პრემიუმი ტიპის ბენზინი - 2,12-2,19 ლარი; დიზელი ლ-62 - 2,01-2,02 ლარი; ევრო დიზელი - 2,16-2,19 ლარი.

იხილეთ საწვავის საშუალო საცალო ფასი სხვადასხვა  ქვეყნებში:

ქვეყანა                                      ბენზინი 95                         ბენზინი 98                    დიზელი

რუსეთი                        0,66 ევრო (1,44  ლ)            0,70 ევრო (1,53 ლ)       0,62 ევრო (1,35 ლ)

აზერბაიჯანი                  0,98 ევრო (2,14  ლ)            1,04 ევრო (2,27 ლ)       0,61 ევრო (1,33 ლ)

უკრაინა                        0,98 ევრო (2,14  ლ)            1,02 ევრო (2,23 ლ)       0,97 ევრო (2,12 ლ)

სომხეთი                       0,99 ევრო (2,16  ლ)             1,04 ევრო (2,268 ლ)     0,93 ევრო (2,03 ლ)

მოლდავეთი                  0,98 ევრო (2,14  ლ)            1,00 ევრო (2,18 ლ)        0,92 ევრო (2,01 ლ)

ლატვია                        1,19 ევრო (2,60  ლ)            1,24 ევრო (2,71 ლ)        1,20 ევრო (2,62 ლ)

ლიტვა                         1,28 ევრო (2,79  ლ)            1,34 ევრო (2,92 ლ)        1,22 ევრო (2,66 ლ)

საბერძნეთი                   1,60 ევრო (3,49  ლ)            1,78 ევრო (3,88 ლ)        1,31 ევრო (2,86 ლ)

ნორვეგია                      1,81 ევრო (3,95  ლ)            1,90 ევრო (4,14 ლ)        1,67 ევრო (3,64 ლ)

თურქეთი                     1,70 ევრო (3,71  ლ)            1,70 ევრო (3,71 ლ)        1,50 ევრო (3,27 ლ)

იტალია                        1,71 ევრო ( 3,76 ლ)            1,92 ევრო (4,22 ლ)        1,63 ევრო (3,58 ლ)

გერმანია                       1,51 ევრო ( 3,32 ლ)            1,57 ევრო (3,45 ლ)       1,34 ევრო (2,95 ლ)

საფრნაგეთი                   1,44 ევრო  ( 3,16 ლ)           1,50 ევრო (3,30 ლ)       1,36 ევრო (3,00 ლ)

ესპანეთი                      1,51 ევრო  ( 3,32 ლ)                                            1,51 ევრო (3,32 ლ)