ნავთობპროდუქტების იმპორტიორთა კავშირის განცხადებით:

 „მიმდინარე წლის იანვრის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  65,3 ათასი ტონა, რაც 41,6 ათასი ტონით ნაკლებია  გასული წლის დეკემბრის თვის მაჩვენებელთან შედარებით.

მათ შორის, იანვრის თვეში ბენზინის საწვავის იმპორტმა შეადგინა  31,7  ათასი ტონა, ხოლო დიზელის საწვავის იმპორტმა - 33,6  ათასი ტონა.

საწვავის კატეგორიების მიხედვით 2015 წლის იანვრის თვეში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 20,9  ათასი ტონა ანუ 65,9%;  A-95 პრემიუმი მარკის  ბენზინი - 9,8 ათასი ტონა ანუ 30,9%,  A-98 სუპერი მარკის ბენზინი - 1,0 ათასი ტონა ანუ 3,2%.

ხოლო დიზელის საწვავის იმპორტმა კატეგორიების მიხედვით მ/წლის იანვრის თვეში შეადგინა: 50PPM (ევრო დიზელი) - 11,5 ათასი ტონა ანუ 34,2%, L-62 დიზელის საწვავი - 21,5 ათასი ტონა ანუ 64%, DT - 0.6 ათასი ტონა ანუ 1,8%.

ქვეყნების მიხედვით 2015 წლის იანვრის თვეში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 24,4  ათასი ტონა, რაც მთელი იმპორტის 37,4%-ს შეადგენს. შემდეგ  მოდიან: აზერბაიჯანი - 14,2 ათასი ტონა   - 21,7 %;  ბულგარეთი - 9,8 ათასი ტონა  - 15%;  საბერძნეთი - 8,9 ათასი ტონა- 13,6 %; რუსეთი - 4,7 ათასი - 7,2%,   თურქმენეთი - 3,3 ათასი ტონა  - 5,1%.

აქვე უნდა შევეხოთ სხვა ნავთობპროდუქტების იმპორტის მონაცემებსაც:

მიმდინარე წლის იანვრის თვეში საქართველოში იმპორტირებულ იქნა 3,1  ათასი ტონა სანავთობო ბიტუმი, რომლის უმეტესი წილი - 93,5% განხორციელდა ირანის ისლამური რესპუბლიკიდან.

მ/წლის იანვრის თვეში საქართველოში საცხებ-საპოხი მასალების იმპორტმა შეადგინა 1,2  ათასი ტონა, გასული წლის დეკემბრის თვეში - 1,2 ათასი ტონა.

2015 წლის იანვრის თვეში საქართველოში საავიაციო ნავთის იმპორტმა შეადგინა 6,6  ათასი ტონა, გასული წლის დეკემბრის თვეში - 12,3 ათასი ტონა.