ნავთობპროდუქტების იმპორტიორთა კავშირის განცხადებით:

 „მიმდინარე წლის თებერვლის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  56,4 ათასი ტონა, რაც 8,9 ათასი ტონით ნაკლებია  იანვრის  თვის მაჩვენებელთან შედარებით.

მათ შორის, თებერვლის თვეში ბენზინის საწვავის იმპორტმა შეადგინა  18,6  ათასი ტონა, ხოლო დიზელის საწვავის იმპორტმა - 37,8  ათასი ტონა.

საწვავის კატეგორიების მიხედვით 2015 წლის თებერვლის თვეში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 11,4  ათასი ტონა ანუ 61,3%;  A-95 პრემიუმი მარკის  ბენზინი - 6,7 ათასი ტონა ანუ 36%,  A-98 სუპერი მარკის ბენზინი - 0,5 ათასი ტონა ანუ 2,7%.

ხოლო დიზელის საწვავის იმპორტმა კატეგორიების მიხედვით მ/წლის თებერვლის თვეში შეადგინა: 50PPM (ევრო დიზელი) - 11,4 ათასი ტონა ანუ 30,2%, L-62 დიზელის საწვავი - 26,2 ათასი ტონა ანუ 69,3%, DT - 0.2 ათასი ტონა ანუ 0,5%.

ქვეყნების მიხედვით 2015 წლის თებერვლის თვეში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   აზერბაიჯანიდან - 20,6  ათასი ტონა, რაც მთელი იმპორტის 36,5%-ს შეადგენს. შემდეგ  მოდიან: რუმინეთი  - 13,0 ათასი ტონა   - 23 %;  ბულგარეთი - 8,4 ათასი ტონა  - 14,9%;  საბერძნეთი - 6,5 ათასი ტონა- 11,5 %; რუსეთი - 3,7 ათასი - 6,6%,   თურქმენეთი - 2,1 ათასი ტონა  - 3,7%, ისრაელი - 2,1 ათასი ტონა  - 3,7% .

აქვე უნდა შევეხოთ სხვა ნავთობპროდუქტების იმპორტის მონაცემებსაც:

მიმდინარე წლის თებერვლის თვეში საქართველოში იმპორტირებულ იქნა 3,5  ათასი ტონა სანავთობო ბიტუმი, რომლის უმეტესი წილი - 94,3% განხორციელდა ირანის ისლამური რესპუბლიკიდან.

მ/წლის თებერვლის თვეში საქართველოში საცხებ-საპოხი მასალების იმპორტმა შეადგინა 1,0  ათასი ტონა, იანვრის თვეში - 1,2 ათასი ტონა.

2015 წლის თებერვლის თვეში საქართველოში საავიაციო ნავთის იმპორტმა შეადგინა 4,5  ათასი ტონა, იანვრის თვეში - 6,6 ათასი ტონა.