14:27 22.11.2024

საწვავის ფასების მიმოხილვა ევროპის ქვეყნებსა და საქართველოში

26-04-2016

,,ნავთობპროდუქტების იმპორტიორთა კავშირის" განცხადებით:

ჩვენ მიმოვიხილავთ საწვავის ფასს აპრილის თვის შუა რიცხვების მდგომარეობით. ბოლო ორი კვირის განმავლობაში ევროპაში A-95 მარკის ბენზინის საშუალო ფასი გაიზარდა 0,01 ევროთი/ლიტრაზე და შეადგენს საშუალოდ 1,12 ევროს/ლიტრაზე.

ევროპის ქვეყნებში ყველაზე ძვირი საწვავი გახლავთ ნიდერლანდებში, ნორვეგიასა და იტალიაში. ამ ქვეყნებში საწვავის ფასი დაახლოებით 25-30%-ით აღემატება ევროპის სხვა ქვეყნების საშუალო ფასებს. კერძოდ, ნიდერლანდებში სუპერი ტიპის ბენზინის საშუალო ფასი შეადგენს 1,65 ევროს (დაახლოებით 4,14 ლარი (საქართველოში არსებული დღევანდელი გაცვლითი კურსით), პრემიუმი ტიპის ბენზინი - 1,58 ევროს (დაახლოებით 3,97 ლარი), დიზელის საწვავი - 1,18 ევროს (დაახლოებით 2,96 ლარი); ნორვეგიაში სუპერი ტიპის ბენზინის საშუალო ფასი შეადგენს 1,70 ევროს (დაახლოებით 4,27 ლარი), პრემიუმი ტიპის ბენზინი - 1,60 ევროს (დაახლოებით 4,02 ლარი), დიზელის საწვავი - 1,41 ევროს (დაახლოებით 3,54 ლარი); იტალიაში სუპერი ტიპის ბენზინის საშუალო ფასი შეადგენს 1,58 ევროს (დაახლოებით 3,97 ლარი), პრემიუმი ტიპის ბენზინი - 1,52 ევროს (დაახლოებით 3,82 ლარი), დიზელის საწვავი - 1,38 ევროს (დაახლოებით 3,47 ლარი).

ევროპაში ყველაზე იაფი საწვავი არის რუსეთში: სუპერი ტიპის ბენზინის ფასი - 0,57 ევრო (დაახლოებით 1,43 ლარი), პრემიუმი ტიპის ბენზინი - 0,50 ევრო (დაახლოებით 1,26 ლარი), დიზელის საწვავი - 0,47 ევროს (დაახლოებით 1,18 ლარი).

ასევე უნდა აღინიშნოს საწვავის ფასი ჩვენს მეზობელ ქვეყნებში, როგორებიც არიან სომხეთი, აზერბაიჯანი, უკრაინა, მოლდავეთი. კერძოდ, სომხეთში - 1 ლიტრი სუპერი ტიპის ბენზინის საშუალო ფასი შეადგენს 0,79 ევროს (დაახლოებით 1,98 ლარი), პრემიუმი ტიპის ბენზინი - 0,76 ევროს (დაახლოებით 1,91 ლარი), დიზელის საწვავი - 0,70 ევროს (დაახლოებით 1,76 ლარი); აზერბაიჯანში - სუპერი ტიპის ბენზინის ფასი - 0,60 ევროს (დაახლოებით 1,51 ლარი), პრემიუმი ტიპის ბენზინი - 0,55 ევროს (დაახლოებით 1,38 ლარი) - ამ ორივე პროდუქტს აზერბაიჯანი არ აწარმოებს და ის ევროპიდან იმპორტირებულია, ადგილობრივი წარმოებული დიზელის საწვავი - 0,35 ევროს (დაახლოებით 0,88 ლარი); უკრაინაში - სუპერი ტიპის ბენზინის ფასი - 0,75 ევროს (დაახლოებით 1,88 ლარი), პრემიუმი ტიპის ბენზინი - 0,71 ევროს (დაახლოებით 1,78 ლარი), დიზელის საწვავი - 0,61 ევროს (დაახლოებით 1,53 ლარი); მოლდავეთში - სუპერი ტიპის ბენზინის ფასი - 0,73 ევროს (დაახლოებით 1,83 ლარი), პრემიუმი ტიპის ბენზინი - 0,71 ევროს (დაახლოებით 1,78 ლარი), დიზელის საწვავი - 0,59 ევროს (დაახლოებით 1,48 ლარი).

რაც შეეხება საქართველოს საცალო ქსელს, ჩვენთან ბრენდირებულ გასამართ სადგურებზე 1 ლიტრი საწვავის საშუალო ფასები შეადგენს: სუპერი ტიპის ბენზინი - 1,70-1,88 ლარი; პრემიუმი ტიპის ბენზინი - 1,60-1,75 ლარი; რეგულარის ტიპის ბენზინი - 1,40-1,65 ლარი; დიზელი ლ-62 - 1,37-1,49 ლარი; ევრო დიზელი - 1,40-1,65 ლარი. ხოლო არაბრენდირებულ ავტოგასამართ სადგურებზე საწვავის ფასი 10-15 თეთრით ნაკლებია ლიტრაზე.

ქვევით იხილეთ საწვავის ფასთა ცხრილი ევროპის რიგ ქვეყნებში აპრილის თვის შუა რიცხვების მდგომარეობით.

ქვეყანა	ბენზინი 95	ბენზინი 98	დიზელი
რუსეთი	0,50 ევრო (1,26 ლ)	0,57 ევრო (1,43 ლ)	0,47 ევრო (1,18 ლ)
აზერბაიჯანი	0,55 ევრო (1,38 ლ)	0,60 ევრო (1,51 ლ)	0,35 ევრო (0,88 ლ)
უკრაინა	0,71 ევრო (1,78 ლ)	0,75 ევრო (1,88 ლ)	0,61 ევრო (1,53 ლ)
სომხეთი	0,76 ევრო (1,91 ლ)	0,79 ევრო (1,98 ლ)	0,70 ევრო (1,76 ლ)
მოლდავეთი	0,71 ევრო (1,78 ლ)	0,73 ევრო (1,83 ლ)	0,59 ევრო (1,48 ლ)
ლატვია	1,04 ევრო (2,61 ლ)	1,09 ევრო (2,74 ლ)	0,89 ევრო (2,24 ლ)
ლიტვა	1,08 ევრო (2,71 ლ)	1,13 ევრო (2,84 ლ)	0,94 ევრო (2,36 ლ)
საბერძნეთი	1,36 ევრო (3,42 ლ)	1,52 ევრო (3,82 ლ)	1,02 ევრო (2,56 ლ)
ნორვეგია	1,60 ევრო (4,02 ლ)	1,70 ევრო (4,27 ლ)	1,41 ევრო (3,54 ლ)
ნიდერლანდები	1,58 ევრო (3,97 ლ)	1,65 ევრო (4,14 ლ)	1,18 ევრო (2,96 ლ)
თურქეთი	1,37 ევრო (3,44 ლ)	1,38 ევრო (3,47 ლ)	1,11 ევრო (2,79 ლ)
იტალია	1,52 ევრო (3,82 ლ)	1,58 ევრო (3,97 ლ)	1,38 ევრო (3,47 ლ)
გერმანია	1,28 ევრო (3,21 ლ)	1,38 ევრო (3,47 ლ)	1,05 ევრო (2,64 ლ)
საფრანგეთი	1,32 ევრო (3,32 ლ)	1,37 ევრო (3,44 ლ)	1,07 ევრო (2,69 ლ)
ესპანეთი	1,15 ევრო (2,89 ლ)	1,27 ევრო (3,19 ლ)	0,97 ევრო (2,44 ლ)