ნავთობპროდუქტების იმპორტიორთა კავშირის განცხადებით:

 „მიმდინარე წლის ნოემბრის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  95,4 ათასი ტონა, რაც 1,7 ათასი ტონით ნაკლებია ოქტომბრის თვის მაჩვენებელთან შედარებით.

2017 წლის იანვარ-ნოემბრის თვეებში ბენზინი და დიზელის საწვავის იმპორტმა შეადგინა  979,1 ათასი ტონა, რაც 78,2 ათასი ტონით  ანუ 7.4%-ით ნაკლებია გასული წლის ანალოგიური პერიოდის მაჩვენებელთან შედარებით.

მათ შორის, 2017 წლის ნოემბერში ბენზინის საწვავის იმპორტმა შეადგინა  47,5  ათასი ტონა (კლება  წინა თვის მაჩვენებელთან შედარებით 3,2 ათასი ტონით), ხოლო დიზელის საწვავის იმპორტმა - 47,9 ათასი ტონა (მატება წინა თვის მაჩვენებელთან შედარებით 1,5  ათასი ტონით).

საწვავის კატეგორიების მიხედვით 2017 წლის ნოემბრის თვეში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 33,2  ათასი ტონა ანუ 69,9%;  A-95 პრემიუმი მარკის  ბენზინი - 12,9 ათასი ტონა ანუ 27,2%, A-98 სუპერი მარკის  ბენზინი - 1,4 ათასი ტონა ანუ 2,9%.

ხოლო დიზელის საწვავის იმპორტმა კატეგორიების მიხედვით მ/წლის ნოემბრის თვეში შეადგინა: დიზელი გოგირდის შემცველობით არა უმეტეს 0,05 მას. % – 47,9 ათასი ტონა ანუ 100%.

ქვეყნების მიხედვით 2017 წლის ნოემბრის თვეში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუსეთიდან - 30,4  ათასი ტონა, რაც მთელი იმპორტის 31,9%-ს შეადგენს. შემდეგ  მოდიან: რუმინეთი - 25,1 ათასი ტონა (26,3%),  აზერბაიჯანი  - 21,0 ათასი ტონა (22%),  ბულგარეთი  - 6,5 ათასი ტონა (6,8%), საბერძნეთი -  6,4 ათასი ტონა (6,7%), თურქმენეთი - 6,0 ათასი ტონა (6,3%).

მიმდინარე წლის ნოემბრის თვეში საქართველოში იმპორტირებულ იქნა 7,7  ათასი ტონა სანავთობო ბიტუმი, რაც 5,3 ათასი ტონით ნაკლებია ოქტომბრის თვის მაჩვენებელთან შედარებით. 2017 წლის იანვარ-ნოემბრის თვეებში სანავთობო ბიტუმის იმპორტმა შეადგინა 98,8 ათასი ტონა, რაც 2,4 ათასი ტონით ანუ 2,5%-ით მეტია გასული წლის ანალოგიური პერიოდის მაჩვენებელთან შედარებით.

მ/წლის ნოემბრის თვეში საქართველოში საცხებ-საპოხი მასალების იმპორტმა შეადგინა 1,8  ათასი ტონა, რაც 0,1 ათასი ტონით მეტია ოქტომბრის თვის მაჩვენებელთან შედარებით. 2017 წლის იანვარ-ნოემბრის თვეებში საცხებ-საპოხი მასალების იმპორტმა შეადგინა 16,5 ათასი ტონა, რაც 1,3 ათასი ტონით ანუ 7,3%-ით ნაკლებია გასული წლის ანალოგიური პერიოდის მაჩვენებელთან შედარებით.

2017 წლის ნოემბრის თვეში საქართველოში საავიაციო ნავთის იმპორტმა შეადგინა 5,8 ათასი ტონა, რაც 6,5 ათასი ტონით ნაკლებია წინა თვის მაჩვენებელთან შედარებით. 2017 წლის იანვარ-ნოემბრის თვეებში საავიაციო ნავთის იმპორტმა შეადგინა 83,9 ათასი ტონა, რაც 16,9 ათასი ტონით ანუ 25,2%-ით მეტია გასული წლის ანალოგიური პერიოდის მაჩვენებელთან შედარებით.

2017 წლის ნოემბრის თვეში საქართველოში გათხევადებული აირების  პროპან-ბუტანის ნაერთის (LPG) იმპორტმა შეადგინა 0,7 ათასი ტონა, რაც 1 ათასი ტონით ნაკლებია ოქტომბრის თვის მაჩვენებელთან შედარებით. 2017 წლის იანვარ-ნოემბრის თვეებში LPG-ის იმპორტმა შეადგინა 13,7 ათასი ტონა, რაც 1,7 ათასი ტონით ანუ 14,2%-ით მეტია გასული წლის ანალოგიური პერიოდის მაჩვენებელთან შედარებით.