ნავთობპროდუქტების იმპორტიორთა კავშირის განცხადებით:

 „მიმდინარე წლის აპრილის თვეში საქართველოში ნავთობპროდუქტების (ბენზინი და დიზელის საწვავი) იმპორტმა შეადგინა  87,3 ათასი ტონა, რაც 9,4 ათასი ტონით ნაკლებია მარტის თვის მაჩვენებელთან შედარებით.

მათ შორის, 2018 წლის აპრილის თვეში ბენზინის საწვავის იმპორტმა შეადგინა  37,6  ათასი ტონა (კლება 10,4 ათასი ტონით), ხოლო დიზელის საწვავის იმპორტმა - 49,7  ათასი ტონა (მატება 1 ათასი ტონით).

საწვავის კატეგორიების მიხედვით 2018 წლის აპრილის თვეში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 25,3  ათასი ტონა ანუ 67,3%;  A-95 პრემიუმი მარკის  ბენზინი - 11,7 ათასი ტონა ანუ 31,1%, A-98 სუპერი მარკის  ბენზინი - 0,6 ათასი ტონა ანუ 1,6%.

ქვეყნების მიხედვით 2018 წლის აპრილის თვეში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 23,6  ათასი ტონა, რაც მთელი იმპორტის 27,0%-ს შეადგენს. შემდეგ  მოდიან: აზერბაიჯანი - 20,9 ათასი ტონა (23,9%), რუსეთი - 16,7 ათასი ტონა (19,1%),  თურქმენეთი - 12,4 ათასი ტონა (14,2%);  ბულგარეთი  - 9,1 ათასი ტონა (10,4%);  საბერძნეთი -  4,4 ათასი ტონა (5,0%), სხვ.

აქვე უნდა შევეხოთ სხვა ნავთობპროდუქტების იმპორტის მონაცემებსაც:

მიმდინარე წლის აპრილის თვეში საქართველოში იმპორტირებულ იქნა 5,6  ათასი ტონა სანავთობო ბიტუმი, რაც 0,8 ათასი ტონით აღემატება მარტის თვის მაჩვენებელს.

2018 წლის აპრილის თვეში საქართველოში საცხებ-საპოხი მასალების იმპორტმა შეადგინა 1,5  ათასი ტონა, რაც 0,2 ათასი ტონით ნაკლებია წინა თვის მაჩვენებელთან შედარებით.

მ/წლის აპრილის თვეში საქართველოში საავიაციო ნავთის იმპორტმა შეადგინა 8,8 ათასი ტონა, რაც 1,4 ათასი ტონით ნაკლებია წინა თვის მაჩვენებელთან შედარებით.

2018 წლის აპრილის თვეში საქართველოში გათხევადებული აირების  პროპან-ბუტანის ნაერთის (LPG) იმპორტმა შეადგინა 1,6 ათასი ტონა, რაც 0,9 ათასი ტონით მეტია მარტის თვის მაჩვენებელთან შედარებით.