ნავთობპროდუქტების იმპორტიორთა კავშირის განცხადებით:

2019 წლის ივნისის თვეში საქართველოში საცხებ-საპოხი მასალების იმპორტმა შეადგინა 1,9 ათასი ტონა, რაც 0,1 ათასი ტონით აღემატება მაისის თვის მაჩვენებელს.

ქვეყნების მიხედვით, 2019 წლის ივნისში საცხებ-საპოხი მასალების იმპორტის ყველაზე დიდი მოცულობა განხორციელდა ირანიდან - 0,47 ათასი ტონა, რაც მთელი იმპორტის 24,7%-ს შეადგენს. შემდეგ მოდიან: თურქეთი - 0,40 ათასი ტონა (21,1%), რუსეთი -  0,30 ათასი ტონა (15,8%),  და სხვ.

მიმდინარე წლის იანვარ-ივნისის თვეების განმავლობაში საცხებ-საპოხი მასალების იმპორტმა შეადგინა 9,5  ათასი ტონა, რაც 0,3 ათასი ტონით აღემატება გასული წლის ანალოგიური პერიოდის მაჩვენებელს.

2019 წლის ივნისის თვეში საქართველოში საავიაციო ნავთის იმპორტმა შეადგინა 8,8 ათასი ტონა, რაც 3,2 ათასი ტონით ნაკლებია მაისის თვის მაჩვენებელთან შედარებით.

ქვეყნების მიხედვით, 2019 წლის ივნისში საავიაციო ნავთის იმპორტის ყველაზე დიდი მოცულობა განხორციელდა ეგვიპტიდან - 4,0 ათასი ტონა, რაც მთელი იმპორტის 45,5%-ს შეადგენს. შემდეგ მოდიან: თურქეთი - 3,1 ათასი ტონა (35,2%) და თურქმენეთი - 1,7 ათასი ტონა (19,3 %).

მიმდინარე წლის იანვარ-ივნისის თვეების განმავლობაში საავიაციო ნავთის იმპორტმა შეადგინა 51,7 ათასი ტონა, რაც 10,4 ათასი ტონით აღემატება გასული წლის ანალოგიური პერიოდის მაჩვენებელს (41,3 ათასი ტონა).

თუ არ აღდგა რუსეთ-საქართველოს შორის ავია-მიმოსვლა, მომდევნო თვეებში საავიაციო ნავთის იმპორტი შემცირებას განაგრძობს.

2019 წლის ივნისის თვეში საქართველოში სანავთობო ბიტუმის იმპორტმა შეადგინა 19,5 ათასი ტონა, რაც 5,3 ათასი ტონით აღემატება მაისის თვის მაჩვენებელს. აქედან მთელი იმპორტი მოდის ირანის ისლამურ რესპუბლიკაზე.

მიმდინარე წლის იანვარ-ივნისის თვეების განმავლობაში სანავთობო ბიტუმის იმპორტმა შეადგინა 63,7 ათასი ტონა, რაც 30,1 ათასი ტონით აღემატება გასული წლის ანალოგიური პერიოდის მაჩვენებელს (33,6 ათასი ტონა).

მიმდინარე ეტაპზე ფიქსირდება სანავთობო ბუტუმზე იმპორტის რეკორდულად მაღალი მაჩვენებელი, რაც განპირობებულია მასშტაბური ინფრასტრუქტურული სამუშაოებით. ჩვენი აზრით, აღნიშნული ტენდენცია მომავალ თვეებშიც გაგრძელდება.

2019 წლის ივნისის თვეში საქართველოში გათხევადებული აირების (LPG)  იმპორტმა შეადგინა 1,4 ათასი ტონა, რაც 0,9 ათასი ტონით აღემატება მაისის თვის მაჩვენებელს.

მიმდინარე წლის იანვარ-ივნისის თვეების განმავლობაში გათხევადებული აირების (LPG)  იმპორტმა შეადგინა 7,1 ათასი ტონა, რაც 0,9 ათასი ტონით აღემატება გასული წლის ანალოგიური პერიოდის მაჩვენებელს (6,2 ათასი ტონა).

გათხევადებული აირების (LPG)  იმპორტის ზრდა ძირითადად განპირობებულია თხევადი აირის საავტომობილო საშუალებებში გამოყენების მატებით, რომლის ტენდენციაც მომავალშიც გაგრძელდება.