საერთაშორისო ენერგეტიკულმა სააგენტომ (IEA) მცირედით გაზარდა 2022 წლის ნავთობზე მსოფლიო მოთხოვნილების პროგნოზი და ახლა ვარაუდობს, რომ ეს მაჩვენებელი გაიზრდება 3,3 მილიონი ბარელით/დღეში, ნათქვამია სააგენტოს იანვრის თვის ანგარიშში.

„ჩვენ გავზარდეთ ჩვენი შეფასებები ნავთობის მსოფლიო მოთხოვნილების შესახებ 200 ათასი ბარელით/დღეში 2021 და 2022 წლებისთვის - შედეგად ზრდა შეადგენს 5.5 მილიონ ბარელს/დღეში და 3.3 მილიონ ბარელს/დღეში შედარებით შესუსტებული COVID-შეზღუდვებთან დაკავშირებით“, ნათქვამია მოხსენებაში.

იმ დროს, როდესაც ომიკრონის შემთხვევების რადენობა მთელ მსოფლიოში იზრდება, ნავთობზე მოთხოვნილებამ 2021 წლის მეოთხე კვარტალში არ გაამართლა მოლოდინი და გაიზარდა 1,1 მილიონი ბარელით/დღეში 99 მილიონ ბარელამდე/დღეში, განაცხადეს IEA-ს ანალიტიკოსებმა.

სააგენტო ვარაუდობს, რომ ნავთობზე მოთხოვნილება 2022 წლის პირველ კვარტალში სეზონურად შემცირდება, რაც გამწვავდება დისტანციური მუშაობის გაზრდით და საჰაერო გადაფრენების შემცირებით.

იანვრის თვის პროგნოზის მიხედვით, 2022 წელს მსოფლიოში ნავთობზე მოთხოვნილება შეადგენს 99,7 მილიონ ბარელს/დღეში. ბოლო შეფასების მიხედვით, 2021 წელს  მოთხოვნილება იყო 96,4 მლნ ბარელი/დღეში, ხოლო 2020 წელს - 90,9 მლნ ბარელი დღეში.