აშშ წინადადებას აყენებს, რომ რუსეთს მიეცეს იმდენი ნავთობის მიწოდების უფლება სხვა ქვეყნებისთვის, რამდენიც მას სურს, ზღვრული ფასის შესრულების შემთხვევაში, განაცხადა აშშ-ის ფინანსთა სამინისტროს ხელმძღვანელმა ჯანეტ იელენმა.

„ჩვენ ვთავაზობთ გამონაკლისს, რომელიც რუსეთს ნავთობის ექსპორტის საშუალებას მისცემს მანამ, სანამ ფასი არ აღემატება იმ დონეს, რომელიც უნდა დადგინდეს. წინააღმდეგ შემთხვევაში რუსეთი აღმოჩნდება სიტუაციაში, რომელშიც სრულად იქნება მოწყვეტილი მნიშვნელოვანი მომსახურეობიდან, რაც სავარაუდოდ გადაფარავს რუსული ნავთობის მნიშვნელოვანი რაოდენობის ექსპორტს“, - განაცხადა მან.

„ვფიქრობ, რუსული თვალსაზრისით, რუსეთი მზად უნდა იყოს, დაეთანხმოს მის ნავთობზე დაწესებულ ზღვრულ ფასს, წინააღმდეგ შემთხვევაში რუსეთის წინააღმდეგ უფრო მკაცრი სტრატეგია იქნება მიღებული“, - დასძინა იელენმა.

„იმედი მაქვს, რომ ჩინეთი და ინდოეთი გაიგებენ, რომ ზღვრული ფასების შესრულება ემსახურება მათ ინტერესებს რუსულ ნავთობზე გადახდილი ღირებულების შემცირების თვალსაზრისით“, - თქვა ილენმა.