ნავთობპროდუქტების იმპორტიორთა კავშირის განცხადებით: ,,2017 წლის მარტში საქართველოში ბენზინისა და დიზელის საწვავის იმპორტმა შეადგინა  83,6 ათასი ტონა, რაც  11,3 ათასი ტონით ანუ 15,6%-ით აღემატება თებერვლის თვის მაჩვენებელს. მათ შორის, 2017 წლის მარტში ბენზინის საწვავის იმპორტმა შეადგინა 50,9 ათასი ტონა, ხოლო დიზელის საწვავის იმპორტმა - 32,7 ათასი ტონა.

საწვავის კატეგორიების მიხედვით 2017 წლის მარტში საქართველოში ბენზინის საწვავის იმპორტმა შეადგინა: A-91 რეგულარი მარკის ბენზინი - 37,8 ათასი ტონა ანუ 74,3%;  A-95 პრემიუმი მარკის  ბენზინი -  12,6 ათასი ტონა ანუ 24,8%,  A-98 სუპერი მარკის ბენზინი - 0,5 ათასი ტონა ანუ 0,9%. ხოლო დიზელის საწვავის იმპორტმა შეადგინა: 50PPM (ევრო დიზელი) – 31,0 ათასი ტონა ანუ 94,8%, L-62 დიზელის საწვავი - 1,7 ათასი ტონა ანუ 5,2%.

ქვეყნების მიხედვით 2017  წლის მარტში ბენზინისა და დიზელის საწვავის  იმპორტის ყველაზე დიდი მოცულობა განხორციელდა   რუმინეთიდან - 21,4 ათასი ტონა (მთელი იმპორტის 25,6%),  რუსეთიდან  - 19,8 ათასი ტონა (23,7%), ბულგარეთიდან - 18,6 ათასი ტონა (22,2%), თურქმენეთიდან - 12,8 ათასი ტონა (15,3%), აზერბაიჯანიდან 4,2 ათასი ტონა (5,0%),  საბერძნეთიდან -  3,8 ათასი ტონა (4,5%), კვიპროსიდან - 1,4 ათასი ტონა (1,7%), დიდი ბრიტანეთიდან -  1,0 ათასი ტონა (1,2%), შვეიცარიიდან -  0,5 ათასი ტონა (0,6%), უკრაინიდან -  0,1 ათასი ტონა (0,1%).

აქვე უნდა შევეხოთ სხვა ნავთობპროდუქტების იმპორტის მონაცემებსაც:

2017 წლის მარტში საქართველოში იმპორტირებულ იქნა 7,0 ათასი ტონა სანავთობო ბიტუმი, რაც 4,7 ათასი ტონით აღემატება თებერვლის თვის მაჩვენებელს. აქედან უმეტესი წილი -  87,1 % განხორციელდა ირანის ისლამური რესპუბლიკიდან.

2017 წლის მარტში საქართველოში საცხებ-საპოხი მასალების იმპორტმა შეადგინა 1,3 ათასი ტონა, რაც 0,1 ათასი ტონით ნაკლებია წინა თვის მაჩვენებელთან შედარებით.

2017 წლის მარტში საქართველოში საავიაციო ნავთის იმპორტმა შეადგინა 3,5 ათასი ტონა, რაც 0,2 ათასი ტონით ნაკლებია თებერვლის თვის მაჩვენებელთან შედარებით.